PATHIAN' THAUNILH - MIHING' THAUNILH

- Dr.LB Muan

Saptuam a thaunilhna tang ichih deuhte Pastor leh Upate Pathian thaunilh ahi vek uh ichi ngam di uam? Pathian thaunilh dan a sim vek ihih uleh Thaunilhna tang khenkhat ten thil ahihkhelh chiang ua bangziak a Thaunilh ahihna uh ei mihingten lakkhiak sak thei ihi di uh? Eite thaunilh lah hilou ua, a thaunilh tupan lakhe din na gingta uhia...dotna tampitak piangsak thei thil om hi...

Ahihkeileh mihing thaunilh teng Pathian thaunilh dan a koih vek kha ihi zaw uhia leh? Hiai kikal genchiang haksa isa mahmah di un ka gingta...

Pathian in kuate ana sem dia thaunilh a kuate thaunilh lou ahi di? Thaunilhna tang chi a mite theihpihna lai/ordination certificate neite kia Pathian thaunilh ahi di uam?

Ordination i piak khollouh uh Missionary leh Evangelist chihte khawng Pathian in a nasem dia a thaunilh khaklouh ahi di uam?

Mihingte thaunilh teng Pathian thaunilh dan a koih a, mihingte thaunilh louhte Pathian thaunilh khaklouh leh thaunilhna tanglou dan a koih mai ihi uhia?

A dawnna bang hi hiam chih ana suut chiat ni...comment box ah hon gelh un...

Atawpna din hiai Bible tang sim le...

Isai 55:8

Toupan, “Ka ngaihtuahna nou a bang ahi kei a; ka omdan leng nou omdan bang ahi kei hi...

Huaiziak in ei lungsim a dik isak peuhmah adik ana hi gige lou a, Pathian dan tawh ei dan le kibang gige hetlou ana hi ahihdan mangngilh kei ni...

Pathian dan zui i kisak sak lai a mihing dan zui den ana hih khak theih ahi.

Pathian tel Heutu / Mihing tel Heutu anuai a Youtube link ah et theih ding

https://youtu.be/TlZrbv_kKt4