REBUILD AND RESTORE COUNSELLING CENTRE

Rebuild And Restore Counselling Centre tawh kisai athei nailoute khualna in...  

Amun:

Lamka ah kum tampi paita apat Rebuild And Restore in Counselling Centre ki hong a, mi tamtak ten ana phattuampihta uhi. Hun sawtkuamtak New Lamka khosung a Hebron Veng a, Lv Lane ki chih na mun pansan a akisep nung in tu in Pearson lam ah ki suantou a, Pearsonmun a Vengkhang a, Huaisiam Road bul chet ahi. Bungmual apat Pearsonmun i lut touh chiang in veilampang ah Huaisiam Road signboard ana om ding a, huai bul chet ah Counselling Centre om hi.

Naihtheih hun:

Counselling Centre naih ut ten hiai numberte 8287508148, 8506920360 ah Appoinment la in va naih theih ding hi. Appointment lak masak a ngaih sese na ziak ahihleh mi dang appointment la te i suk buai khak ding venna ahi.

Counselling Fee:

Rebuild And Restore in chikmah in Counselling Fee a kila ngeikei a, midangte khualna ziak liu-liau a, athawn a Counselling kibawl zel ahi. Counselling Fee ki laleh sepna neilou tuailai leh naupangte ban ah nekzonna haksatak a khawsa ten hon naih ngamlouh khak ding uh a kilauh ziak hi ahi.

Ahia Kipahna thilpiak bawm ki koih a, huai bawm ah bel i kiphal dandan leh i kipahna zahzah khiak theih gige ahi. A neilouten bel khiak teitei ngailou ahi chih i chiamteh dia, kisuanglah hetlou a Counselling Centre hong zuan zel ding in i ki chial ahi. Himahleh anei ten bel khethei zel le kipahhuai mahmah ding ahi. Hiai ministry in foreign support hiam ahihkeileh saptuam apat teng khat le panpihna ki ngahlou a, ginna petmah tawh ki kalsuan in Pathian it mi tamlou chik te support na ziak a Free Counselling ki pethei hamham ahihdan i theih ding un deih huai i sa hi.

Kuaten Counselling Centre zuan ding:

Counselling poimoh kisa peuhmah ten Counselling Centre zawt theih ahi. Mihingte i tuam dungzui un haksatna i tuahte le kibang veklou ding a, khenkhat ten siamsinna lam ah haksatna kituak ding a, khenkhat ten innsung ah, nupakal ah, unau kal ah, lawmta kal ah, sepna ah, khalam ah leh adangdang tampitak om ding hi. Buaina i tuah hun in Counselling Centre zuan pah le i buaina apan ki suakta pah ding chihna ahi a, huaiziak in i buaisiat hun ngak seselou in Centre zuan pah zel theih le deih huai mahmah hi. Huaichiang a i theih dia deihhuai mahmah khat chu hiai ahi, Counselling Centre sung a na vagen peuhmah koimah ah ki genkhe ngeilou ding ahi. Huaiziak in lungmuangtak a va naih theih ahi chih chiamteh ni.

·         Vocational or Career Counseling

·         School/Guidance Counseling

·         Mental Health Counseling

·         Substance Abuse and Behavioral Disorder Counseling

·         Marriage and family Counseling

·         Crisis Counseling

·         Financial Counseling

·         Educative Counselling

·         Religious/Spiritual Counseling

 

Theih beh dia hoih. Ki chial theih nate

·         Nupa Seminar

Nupakal Seminar a hun zangtu dia Trained Counsellor i lunggulh leh chiklai peuh in ki chial theih gige ding hi.

·         Mental Health Seminar

Lungsim chidamlouhna bang hi hiam, bangchidan a hong kipan hiam, chi bangzah pha a bang chi kikep ding hiam chihte hoihtak a i theih ut leh Seminar la din ki chial theih gige hi.

·         Counselling Training

Counselling Training lunggulhna nei, saptuam hiam, pawl khat peuhpeuh in sinsaktu ding in chiklai peuh in ki chial theih ding hi.

Rebuild And Restore Panpih theih gige ahi

            Hiai ministry kalsuanna ah kei leng ka hong tel sam ding ichih leh chiklaipeuh in hiai a details kipia te ah panpihna piak theih gige ding ahi. Pathian gam nasepna ah atamlua hiam ahihkeileh atawmlua chih omlou a, i pantheih dandan in pang le van ah i lawm man ding khol kihi mai ahi. Pathian in ei tellou ale agam na sem thei lawtel ahihlai a nang-le-kei leng i telsam hon deih a, huaiziak in hamphatna lianpi dong kha kisuak ahihman in i pan theihna lam ah i pang sam kei dia hia unau!

 

Gpay No: 8287508148

UPI : lybymok@okicici

 

Bank Account : 031401560451

IFSC : ICIC0000314

 

Bank Account : 33024885447

IFSC : SBIN0015428