MAN NEI PATHIAN

Gelhtu: LB Muan

22/01/18

Nikhat Qutub Minar kiang a lampi nawl khat ah vaite pathian tampi ana zuak teltul uhi. A zuakna manzah uh ka thei ut chitchiat a, aman ka dot leh a medium size-te Rs.4000/- khawng mansak uhi.

Gingloute dinmun di ka ngaihtuah chiang in dahhuai kasa tuntun mai hi. I pathian di ki-leithoh ngai di, innsung a dongtak a koih ngailai di. Niteng a hah-ngai zawmah di. Ama a ann a neklouh di pi va-koih gige ngaizawmah di. A hongsiat chia pathian dang leizel ngai di. Alian deuh bang lei di hile sum tampi kiseng di, sum neilou deuh i hihleh pathian lianpi deih lele neuchik neih ngai di. Khawsakna haksa deuh ten chu pathian le kinei zoulou zawmahlai didan ahi.

Ei gingtute chu i Pathian in hon lehlei a, Khros ah a sisan in hon lei hi. En i Pathian lei di hile bangchik chiang in i leizou ngei mahmah diam maw...? Ginglouten a pathian di uh lei a kep chihtak a akepIai un ei gingtute bel i Pathian in hon leh kep zawmahlai a, niteng a damna honpiak kia hilou a nek di leng hon pe gigelai a, teenna di inn hon pia in a vualzawlna chiteng in hon vuklai hi...tuateng kia hilou a, i sih nung chiang a i tenna di mun nuamtak hon bawlsaklai chih khawng i ngaihtuah leh i hamphatdan suut senglouh ahi. Jesu neih nuam hi na maizen e...Jesu neih hamphat huailua ahihdan theilou i om leh suut thak ve ni.

____________________________________________________

#  Na phattuampih leh midangte khualna in ana SHARE sawn in. 

# Article ki post chiang a nana muhzel na ding in hiai atung a taklampang a "Follow" kichi pen CLICK in.