REBUILD AND RESTORE IN KUM 8 MELMU

(14^th Jan. 2013 – 14^th Jan. 2021)

Amasa in RnR Ministry ngaina tute tengteng kiang ah itna chibai ka hon buk ahi!

Toupa’n hiai ministry hon makaih zel a, tuni 14^th Jan. 2021 in RnR kum 8 chingta hi. Hiai tantan hon pitu i Toupa tung ah kipahthu i gen ahi.

Tuni in RnR tawh kisai tamlou taklang le ichi ahi.

A. REBUILD AND RESTORE NASEPDAN TANGPITE

Hiai ministry in TWO-FOLD OBJECTIVES nei a tuate ahihleh

Khatna: Gingtute lak a Lungsim Damlouhna neite leh Khalam a bahte panpih ding. 

Counselling Centre, Delhi

2014 kum apat Delhi ah Counselling Centre ki nei hi. Hiai Centre pansan in na kisem a, tunitan Pathian pi na tawh kisem touzel hi. Counselling Centre hong naih theite Centre ah Counselling kibawl a, hon naih theiloute Online tungtawn in Counselling kibawl zel hi. Mi khenkhat va leh naih ngai bang omsek a, tuabangte le ki leh naih zel hi. A buaisia a delh ngai omte le ki delhzel in ki buaipih zel hi.

Counselling Centre, Lamka

Lamka ah leng Counselling Centre 2018 kum in ki hong khia hi. Eilamten Counselling poimohna i theih nailouh ziak un deih bang in na kisem thei nailou hi. Atam zaw ten Counselling Centre naih utlou in online counseling nuam sazaw ua, huaiziak in Online mah ki pibawl zaw phot hi.

 

Saptuam sung leh Khotaang ah Trained Counsellor taksapna lian petmah a, huaiziak in RnR in hih theih bangbang in training ana kisai sek a, maban ah le training saitouh zel hoih kisa hi. Hun paisa a Counselling Training kisaite ziak in neuchik eite lak ah khanlohna omta in a kithei a, kipahhuai isa ahi.

Nupa Seminar leh Tuailai/Khangdawng laite sukkhak issue tuamtuamte tawh kisai ki olmoh a, Seminar khawng lunggulh huai kisa thei mahmah hi. Himahleh hiaibangte sai na ding in sum-le-pai leh platform a kineih hoihlouh ziak in a lampi ding ki geel toutou lel hi.

 

Nihna: Gingloute lak a Mission Field hon a, Missionary sawlkhia a Khamangthangte hotdamna huang a pilut ding.

Uttarakhand Mission Field, North India

Pathian in Gingloute lak ah leng ana septheihna ding kong hon honsak a, 2017 kum in Uttarakhand State ah nasep pattheih in hong om hi. Kum 2 khawng a kisep nung in buaina liantak kituak a, Mission Field lam a nasepna ki sunzom thei nawnlou in ki khol phot hi.

 

B. RnR KUM 8 A CHIN TAN A SEPKHIAK KHENKHATTE

                               Ø  Lungsim Damlouhna nei mi tampitak ki panpihta hi.

Ø  Mahni hinna laksawm hunkhop hut khiak hita hi.

Ø  Hiai ministry tungtawn in Jesu Hondampa dia sang le om hi.

Ø  Nupakal buai, tate kepna buai, laisimna, sepna, nungak-tangval kal buai tampitak te panpih in omta uhi.

Ø Psychological+Biblical Counselling Training kisai sek a, tua ah Teacher, Pastor, Evangelist, Missionary, College/School Counselor, Bible Student leh sepna tuamtuam nei mi 100 val sinsakna kipeta hi.

Ø  Online Platform tuamtuam kizangte FB Page, Blog leh Youtube Channel te mi tamtak te Khalam leh Lungsimlam adia vualzawlna ahih ngei leng a ki gingta hi.

C. SPONSORTUTE

Hiai Ministry bel ginna petmah tawh kalsuan ahi. Foreign/Saptuam/Organization chihte apan panpihna honglut omlou a, mimal Pathian it mahmah tamlou chik te panna ziak a hiai tan ki kalsuan zou hizaw ahi.

Natna hi leng Coronavirus ziak a lockdowm hong om apat ki buaise dekdek a, himahleh Pathian ziak in tuni in Ministry kum 8 mel ki muthei a kipahhuai i sa petmah hi. Lungkelou a sum-le-pai a hong pangtute kalsuanna thupi a kisa mahmah ahi.

Hiai ministry in sep ut tamtak ki nei mahleh sum-le-pai dinmun a hoih hetlouh ziak in deih bang in kal kisuan kin theilou hi. Hiai simtute lak ah kua hiam hiai ministry a hong pang ut i omleh kipahhuai kisa law mahmah ding ahi.

 

THUKHITNA

            Hiai ministry in Pathian gamna asepna a Thumna, Sum-le-pai leh Tha-le-zung a hong pang te tengteng tung ah kipahthu ka hon gen a, noute panna ziak a hiai tan ki kalsuan zou ahi. Toupa’n noute adia Vaan a lawm-man ahon koihsak kia hilou in Leitung ah leng a vualzawlna tampitak hon dongsak leh chih ka thumna uh hi gige ahi.

 

Toupa’n thupi na teng tangta hen!

 

Toupa Grephuan a na seppih uh,

LB Muan

Director, RnR

 

-----------------------------------------------

Hiai ministry hong piandan khawng tawh kisai sim ut ten hiai anuai a link ah simtheih ding

https://rebuildnrestore.blogspot.com/2020/06/about-us_6.html

 

Hiai anuai a te ah REBUILD AND RESTORE FOLLOW THEIH DING

Youtube: https://www.youtube.com/c/REBUILDANDRESTORE

Blog: https://rebuildnrestore.blogspot.com/

FB Page: https://www.facebook.com/RebuildRestore/

-----------------------------------------------

Kha, Sa leh Lungsim a buaite panpih dia RnR a kalsuanna ah nang leng hongpang sam in, nang ziak a mi khat beek hinna bawlhoih leh hotkhiak a omthei ahi. Pathian tate ngen ihi a, kigal et-thoh mailou in tomchik damsung in i Pa na sepkhawm siau-siau ni!