Rebuild And Restore in tuni 14th January 2022 in kum 9 mel muta a, hiai tan honpi i biak Pathian tung ah kipahthu i gen ahi. Pathian pi na tellou hileh hiai tan kal kisuan zou nonlou ding a, ki pukse khin ta ding hi.
Haksatna leh buaina tamtak a kituah hun inle Pathian in suahtakna ding lampi hon bawlsak zel a, hatlou chik a i kalsuan lai unle hiai Ministry tungtawn a khalam, salam leh lungsimlam a vualzawlna/hamphatna ana ngah thei ding mi hun khop ana om ua, tuate ziak in Pathian min i pahtawi ahi.
Pathian hon makaihna ban ah eite khut kilen a, haksatni leh buaini a le i pankhop nate uh ziak a hiai tan ki kalsuan thei ahi. Thumna, Sum-le-pai leh Tha-le-zung a na hong pan nate uh ziak a hiai Ministry in kalsuan theizel ahihman in noute tung leh Pathian tung ah kipahthu ka hon gen ahi.
Maban ah le hiai sang a hoihzaw leh hatzaw a i kalsuan theihna ding un Pathian mah ki makaih sakle ichi a, tuaban ah eiten le khut kilen in ihih theihlam chiat ah pangkhawm touzel le chi in i ki ngen ahi.
Hiai ministry adia na gim-le-tawlna, na sum-le-pai, na ngaihtuahna, na hun na sengte tengteng Pathian vualzawlna tampitak nang leh na innkuanten na donna uh hong hi hen!
Tomchik damsung Toupa adin pangzel ni.
LB Muan
Director, RnR
No comments:
Post a Comment