Pathian in zaw hon ompih gige ahi

- Dr.LB Muan

28/03/2024

Pathian in i dinmun hon theihpih louh hun om hetlou ahi. Haksatna tawpkhawk i tuah hun inle i dinmun hon mu gige a, i zahlak di leh i buaisiat di hon phallou in ahunhun in i poimohte hon pezel hi.

2004 kum, March kha ahi. Pastor khat a inn uh gutaten ana luhsak ua, a sum koih teng uh ana lak mangsak uhi. Hiai thu kazaktak un ka lungsim uh nuamlou in vaveh ding ka sawm uhi. Kou le sum lam a ka buai petmah laitak uh ahi a, bat dit di tampitak ka neih laitak uh ahi. Meh man di natawm suktuah haksa kasak mahmah lai uh ahi. Khut vuak a vahoh ding lah nuam kasa kei ua, sum tamlou bek azat tawm di uh vahop ka ut mahmah uhi. Ka sum neihteng uh 1300 lak khawng ahi ding a, huai teng tawh azing in innkuan in ka vahoh ua, sum 1000 mehman din ka vapia ua, thumna neihsak in kong kik uhi.

TUHUN LEH I LUNGSIM OMNA

- Dr. LB Muan

Hiai khovel I khawsakna mun uah I hun zat uh hun thum in khentheih hi. Hun paisa (Past), Tuhun (Present) leh Maban hun (Future). Hiai hunte gamgi va bawl chet theih hikei mahleh mawl chik a I theihdan uh chu hiai dan ahi. Hun paisa ichih chiang in bel I pian apat I hinkhua paisa hun tengteng ahi mai ahi. Tuhun pen ahihleh tua I hun zat lel pen uh chih ding ahi mai dia, Maban hun ding ahihleh I sih matan a I maban a I tuahtouh leh zattouh ding hun pen ahi.

LILY leh VAI TANGVALPA

- Dr.LB Muan

04^th March 2024

Hiai a i story gelh ahihleh numei khat hinkhua a thiltung ahi a, ahinkhua a athil tuahte apan sinlai banghiam la le chih a kideih ziak a hiai hong kigelh khia ahi. Hiai nu pen ka client le ahi kei a, Client te story bel amau phalna tellou a kigenkhe ngeilou ahi. Amin i genkhe kei ding a, hiai ah amin ding in Lily ichi ding.

PATHIAN IN ZATMOH NEILOU

- Dr. LB Muan

4^th March 2024

Mihingte i hinkhua paisa i sutkik chiang in lunglenna ding bang, kipahna ding bang, khasiatna ding bang omsek hi. Hinkhaw paisa va sutsut ding hikei mahleh achang a va ngaihtuah kik hun le neihzel pe poilou hi. Ahia, ei hon khasesak leh dahsak ding lamte hilou a, ei hon kipaksak ding leh Pathian thupina i muhte khawng sutkik zel ding ahi.

TOUPA ZAW I MA A PAI GIGE AHI

Gelhtu: LB Muan

19/11/23

Toupa hoihna ka muhte vagelh seng di hikei mahleh achang a khat-le-nih gelhzel hoih sa in hiai kahon gelh ahi.

November 18, 2023 ahi a, ka tapa lianpen Dingding’ kam anat ziak in Anun va ensak din hon sawl a, ka pata un ka vakuan uhi. Sum ka neitawm mahmah mai ua, mehman dia neih teng Teng 380 chouh tawh Damdawi inn ka zuan uhi.

PATHIAN' THAUNILH - MIHING' THAUNILH

- Dr.LB Muan

Saptuam a thaunilhna tang ichih deuhte Pastor leh Upate Pathian thaunilh ahi vek uh ichi ngam di uam? Pathian thaunilh dan a sim vek ihih uleh Thaunilhna tang khenkhat ten thil ahihkhelh chiang ua bangziak a Thaunilh ahihna uh ei mihingten lakkhiak sak thei ihi di uh? Eite thaunilh lah hilou ua, a thaunilh tupan lakhe din na gingta uhia...dotna tampitak piangsak thei thil om hi...

REBUILD AND RESTORE COUNSELLING CENTRE

Rebuild And Restore Counselling Centre tawh kisai athei nailoute khualna in...  

Amun:

Lamka ah kum tampi paita apat Rebuild And Restore in Counselling Centre ki hong a, mi tamtak ten ana phattuampihta uhi. Hun sawtkuamtak New Lamka khosung a Hebron Veng a, Lv Lane ki chih na mun pansan a akisep nung in tu in Pearson lam ah ki suantou a, Pearsonmun a Vengkhang a, Huaisiam Road bul chet ahi. Bungmual apat Pearsonmun i lut touh chiang in veilampang ah Huaisiam Road signboard ana om ding a, huai bul chet ah Counselling Centre om hi.

Naihtheih hun:

Counselling Centre naih ut ten hiai numberte 8287508148, 8506920360 ah Appoinment la in va naih theih ding hi. Appointment lak masak a ngaih sese na ziak ahihleh mi dang appointment la te i suk buai khak ding venna ahi.